Tyaag

Ja tyaag diya wo sab jo maine apna mana tha,

ja tyaag diya apne naam ko,

ja tyaag diya apne kaam ko,

ja tyaag diya maine bhootkal ko,

ja tyaag diye maine sukh saare,

ja tyaag diye maine sapne mere.

Ja mukt kiya maine tujhko bhi,

ja mukt ho gayi  main khud bhi,

ja tyaag diya 'mai' ko maine.

Ab jo hun wo mai nahin, ab jo hai wo tu hai,

jo mera tha sab tera hoga, 

jo mai thi ab wo tu hai. 

Tyaag kyunki kayar thi mai, 

tyaag kyunki nidar hun mai, 

tyaag kyunki tum ho mujh mein, 

tyaag kyunki prem hai tujhse, 

tyaag kyunki pana hai tujhe. 

Laut aayi hun mai tere paas, 

varan kiya ab tere naam,

mera tujh ko shat shat pranaam.